ఈ పుట అచ్చుదిద్దబడ్డది
రేకు: 0303-1 వసంతవరాళి సంపుటం: 11-013
పల్లవి: పంతపువా రెల్ల నిటువలె మొక్కేరా
యింత నీవు నావలె యెన సుండేరా
చ. 1: యీకడ తమ అంకెల కింతె కాక కాంత లెల్ల
నీ కిచ్చకము లాడేరా నేనె కాక
మేకొని మీఁద మిక్కిలి మేనరికపువా రింతె
నాకొలఁది నీసేవకు నన్నుఁ బోలేరా
చ. 2: వలచినవారు తమవైపులె చూతురు గాక
నెల వై నిన్ను మెచ్చేరా నేనె కాక
వొలసి యిందరు నీ నవ్వులతోడివా రింతె
నలువంక నీపట్టుకు నన్నుఁ బోలేరా
చ. 3: పచ్చిగా గూడినవారు పరవశు లింతె కాక
నిచ్చ నిన్నుఁ జొక్కించేరా నేనె కాక
యిచ్చఁ గూడితి శ్రీవెంకటేశ నన్నుఁ బరు లెల్ల
నచ్చుల నీలాగులకు నన్నుఁ బోలేరా