ఈ పుట అచ్చుదిద్దబడ్డది
రేకు: 0302-6 కేదారగౌళ సంపుటం: 11-012
పల్లవి: వెలఁది నీరతుల వీఁగ దిఁక
నిలవున నెమ్మెలు నెరపకు వయ్యా
చ. 1: పలుమరు నీతో పంతము లాడఁగ
చెలియకుఁ గచుములు చేఁ గెక్కే
చలమునఁ బై కొని సాములు సేయఁగ
మొలకలపులకలు మొన లాయ
చ. 2: సరసము నీపైఁ జల్లఁగ జల్లఁగ
వరుస గోరికొన వాఁ డెక్కే
సరుగఁ గూరిమి గొసరఁగఁ గన్నుల
నిరతపు మెఱుఁగులు నిండె నవే
చ. 3: వొప్పుగ మేనులు వొరయఁగ మీకును
చిప్పిలుఁ జెమటల చితు కెక్కే
అప్పఁడ శ్రీవెంకటాధిప కూడితి
కప్పురగందికి కళ లవె మించే
