ఈ పుట అచ్చుదిద్దబడ్డది
రేకు: 9116-03 శ్రీరాగం సం: 04-601 విష్ణు కీర్తనం
పల్లవి:
ఇందిరకు నురము మీఁదిచ్చిన నాఁడు
విందువలె హరి యిందు విచ్చేసె నాఁడు
చ. 1:
పరమపదమునందు బహుదివ్యవరణాలు
హరి గరిమలు పొలువలరు నాఁడు
గరుడఁడు నసంతుఁడుఁ గదిసి సేనేశుఁడు
హరి నిత్యసేవకులై రిందు నాఁడు
చ. 2:
పాల జలధిలోనఁ బవళించి హరి వచ్చి
భూ లోకమింతయుఁ జూచి పొగడునాఁడు
పాలించి నేలయు మిన్ను బహు దివ్య దేశాలు
గాలించి కోనేటిదరి గైగొంట నాఁడు
చ. 3:
నరసురోరగులెల్ల నలువంకఁ గొలువంగ
పురవైన వేడుకలఁ బొదలునాఁడు
విరజానదియుఁ దాను వేంకటపతి వచ్చి
పరమపద మిదని పాలించె నాఁడు