ఈ పుట అచ్చుదిద్దబడ్డది
రేకు: 9116-04 దేవగాంధారి సం: 04-602 అంత్యప్రాస
పల్లవి:
కలిగినమతి వృథ గాకుండా
అలరుటె పుణ్యంబగు ఫలము
చ. 1:
ఒనరిన యీ భవము సురనకుండ
ఘనుఁడీ జీవుఁడు గలఫము
తనువు మోచి చైతన్యాత్ముని మతిఁ
గనుటె వివేకముగల ఫలము
చ. 2:
చేసిన పుణ్యము చెడిపోకుండ
శ్రీ సంపద మెరసిన ఫలము
ఈసుల రేసుల యితర దూషణలఁ
బాసుటె అపురూపపు ఫలము
చ. 3:
హరిఁ గొలిచియు మిథ్య గాకుండ
విరసముడిగి చదివిన ఫలము
తిరు వేంకటగిరి దేవుని సరిగా
పరులఁ గొలువనిదె బహు ఫలము