ఈ పుట అచ్చుదిద్దబడ్డది
రేకు: 9116-02 సామంతం సం: ౦4-600 వేంకటగానం
పల్లవి:
మునుకలుగఁ బీలిచీ మూఁడు లోకాలు
ధనము బందెలచేతఁ దగనందుకొనుచు
చ. 1:
పరుసవారిఁ బిలువ బడిబడిఁ బారితెంచి
ఒరసు దైవాల మిండఁడూళ్ళ వెంట
సిరసు పంచెముపాగఁ జెరిగిన చుంగులతో
గరుసుమీరిన యీవిఁ గప్పములు గొనుచు
చ. 2:
లాట భోట కుకుర మరాట దేశాల ఘనుల
కూటువలు గూడించి కోట్లసంఖ్య
పేటలుఁ బేటలు పెనుఁగూటములుగాఁ దెచ్చి
చాటువైన వరములు చల్లువెదలాడుచు
చ. 3:
గక్కన నెదురువచ్చి కనిపించుకొను వాఁడె
వెక్కసపు మహిమల వేంకటేశుఁడు
పక్కల వనములెల్లఁ బసిఁడిగాదెల నించి
మొక్కులు గైకొని వరములు గోకొండనుచు