ఈ పుట అచ్చుదిద్దబడ్డది
రేకు: 9116-01 ముఖారి సం: 04-599 గురు వందన, నృసింహ
పల్లవి:
నేర్పుకంటెఁ బెన్నిధి గద్దా
ఓర్పుకంటె సుఖమొకటిఁక గద్దా
చ. 1:
కరుణకు నెక్కుడు గతి యిఁకఁ గద్దా
సరసతకెక్కుడు సరి గద్దా
గురుమతిఁ జత్తము కూరిమి నిలిపిన
వెరవుకంటె విధమిక గద్దా
చ. 2:
కలిమి కంటెఁ జీఁకటి మరి కద్దా
బలిమికంటె నాపద గద్దా
గెలుప (గఁ) దెలిసి లంకించిన మతితోఁ
జెలఁగుకంటె నిజసిరి యిఁకఁ గద్దా
చ. 3:
పోయముకంటె నపాయము గద్దా
కాయపు రోఁతకుఁ గడ గద్దా
పాయక వేంకటపతి కృప గోరిన
యీయభిమతమున కెదురిక గద్దా