ఈ పుట అచ్చుదిద్దబడ్డది
రేకు: 9087-01 శ్రీరాగం సం: 04-592 వేంకటగానం
పల్లవి:
కత్తరాలు చిమ్ముచుండెఁ గదలుచుండె
చిత్తజ జనకుఁడైన శ్రీ మూరితి
చ. 1:
కన్నులఁ జొక్కుచునుండె కంపితము మీఁటుచుండె
సన్నపు సొలపు నిగ్గు సళుపుచుండె
అన్నువ నడిమి యింతి నక్కున నొత్తుచునుండె
ఉన్నతిఁ గోనేటిదరినున్న మూరితి
చ. 2:
మేసులు ముట్టుచునుండె మేడమీఁద నిలుచుండె
కీసిన గోక గిలిగింపుచునుండె
నేసకొప్పురమణికి చెక్కులు నొక్కుచునుండె
తీసిన లంఘితముల దివ్యమూరితి
చ. 3:
కిలకిల నవ్వుచుండె కిన్నెర వట్టుచునుండె
పలుమెరుఁగులు దోఁప బాడుచు౦డె
అలమేలుమంగమీఁద నలరి యొరగి యుండె
వెలయ వేంకటగిరి వేదమూరితి
