ఈ పుట అచ్చుదిద్దబడ్డది
రేకు: 9086-02 ఆహరి సం: 04-591 వైష్ణవ భక్తి
పల్లవి:
కలియుగంబునకుఁ గలదిదియే
వెలసిన పంచమవేదమె కలిగె
చ. 1:
బోధల హరినుతి పొడమెను శూద్ర
స్సాధని కలిదోషము మాన్ప
రాధా మాధవ రచన సకలజన
సాధువేదమే జగమునఁ గలిగె
చ. 2:
పరమగు వేదము బహుళము చదివియు
హరి నెరిఁగిన వారరుదనుచు
తిరువాముడియై దివ్యమంత్రమై
వెలసిన పంచమ వేదమె కలిగె
చ. 3:
బింకపు మనుజులు పెక్కులు చదివియు
సంకె దీరదెచ్చట ననుచు
సంకీర్తనమే సకలలోకముల
వేంకటేశ్వరుని వేదమె కలిగె
