ఈ పుట అచ్చుదిద్దబడ్డది
రేకు: 9086-01 దేసాళం సం: 04-590 వైరాగ్య చింత
పల్లవి:
ఎన్నాళ్ళున్నా నిట్టె కదా
విన్నని వెరగులె వేఁడుకలాయ
చ. 1:
భువి నెట్టుల్లాఁ బోయేదే కా
చవులకుఁ జవియగు శరీరము
ధ్రువమని యీ సుఖదుఃఖ రోగములు
భవముల కిదియే బందములాయ
చ. 2:
ఎంత వొరలినా నిదే తాఁగద
కంతల కంతల కాయమిది
బొత దగులుచుక పొరలఁగఁ బొరలఁగ
సంతకూటములె సరములాయ
చ. 3:
కైపుసేసినా ఘనమౌనే కా
పాపముఁ బుణ్యముఁ బైపైనే
యీ పుట్టుగునకు ఈ వెంకటపతి
దీపించఁగఁ బెనుఁదెరువొకటాయ