ఈ పుట అచ్చుదిద్దబడ్డది
రేకు: 9084-03 దేశాక్షి సం: 04-589 వేంకటగానం
పల్లవి:
కంటి నఖిలాండ కర్త నధికుని గంటి
కంటి నఘములు వీడుకొంటి - నిజమూర్తిఁ గంటి
చ. 1:
మహనీయ ఘన ఫణామణుల శైలము గంటి
బహువిభవముల మంటపములు గంటి
సహజ నవ రత్న కాంచన వేదికలు గంటి
రహి వహించిన గోపురంబులవె కంటి
చ. 2:
పావనంబైన పాప వినాశనము గంటి
కైవశంబగు గగన గంగ గంటి
దైవికపుఁ బుణ్య తీర్ధములెల్లఁ బొడగంటి
కోవిదులు గొనియాడు కోనేరిఁ గంటి
చ. 3:
పరమ యోగీంద్రులకు భావగోచరమైన
సరిలేని పాదాంబుజములు గంటి
తిరమైన గిరి చూపు దివ్యహస్తము గంటి
తిరు వేంకటాచలాధిపుఁ జూడఁగంటి