ఈ పుట అచ్చుదిద్దబడ్డది
రేకు: 9079-01 దేశాక్షి సం: 04-580 వైరాగ్య చింత
పల్లవి:
ఎవ్వరుగల రెవ్వరికి
ఇవ్వల నవ్వల నితఁడేకాక
చ. 1:
ముద్ద సేసినటు మొదలఁ గడుపులోఁ
బెద్దగాఁ దాఁ బెరుగునాఁడు
ఒద్దనెవ్వరుండిరొకరైనా
ఒద్దికైన బంధుఁడొకఁడేకాక
చ. 2:
వరతఁ బోవునట్టి వడిసంసారపు
తెరలఁ దగిలి తాఁ దిరుగునాఁడు
వెరవకుమని భావించువారెవరు
తరితోడ నీతఁడె కాచుఁగాక
చ. 3:
ఉడుకఁ బెట్టినట్టి వుడివోయిన నరకాల
నుడుకుచుఁ దానుండునాడు
తడవువారెవ్వరంతటఁ దన్ను
కడవేగ వేంకటపతిగాక