ఈ పుట అచ్చుదిద్దబడ్డది
రేకు: 9075-01 -- సం: 04-578 కృష్ణ
పల్లవి:
ఈతఁడే హరుఁడు యీతఁడే యజుఁడు
ఈతనికి నీచేఁతలెంత ఘనమటుగాన
చ. 1:
కడుఁ బెక్కు బ్రహ్మాండకటకములు సుడివడిన
కడుపలో నిడుకొన్న ఘనుఁడు
వెడలి పూతకిచంటివిషము దాఁగినయంత
వడిఁ దనకు నేమాయ వట్టిబూమెలు గాక
చ. 2:
ఎల్లజలధులు మిగిలి యేకమై పబ్బినపు
డుల్లసిల్లుచు నీతఁడుండు
మల్లాడి యొక రెండు మద్దులు విరచినట్టి
బల్లిదుఁడవని నిన్నుఁ బరిణమింతురుగాన
చ. 3:
తిరువేంకటేశ్వరుఁడు దేవదేవోత్తముఁడు
పరిపూర్ణుఁ డచ్యుతుఁ డభవుడు
శరణాగతుల రక్షసేయు వాడను మాఁటి
గురుతుగాఁ దలపోసి కొనియాడఁగా వలసె
