ఈ పుట అచ్చుదిద్దబడ్డది
రేకు: 9074-04 మేచబౌళి సం: 04-577 కృష్ణ
పల్లవి:
అచ్చపు రాల యమునలోపల
ఇచ్చగించి భుజియించితి కృష్ణ
చ. 1:
ఊరుఁగాయలును నొద్దిక చద్దులు
నారగింపుచు నందరిలో
సారె బాలుల సరసాలతోడ
కోరి చవులు గొంటివి కృష్ణా
చ. 2:
ఆకసంబున కాపుర ముఖ్యులు
నాకలోకపు నాందులును
కైకొని యజ్ఞకర్త యాతడని
జోకఁ గొనియాడఁ జొక్కితి కృష్ణా
చ. 3:
పేయలు లేవు పిలువుఁడనుచు
కోయని నోరఁ గూఁతలను
మాయల బ్రహ్మము మతము మెచ్చుచు
చేయని మాయలు సేసితి కృష్ణా
