ఈ పుట అచ్చుదిద్దబడ్డది
రేకు: 9066-01 శంకరాభరణం సం: 04-571 దశావతారములు
పల్లవి:
దురితమృత్యువట దొంగలట
సిరివరుఁడట దయసేసీనా
చ. 1:
మలయుచునె చేరిన మధుకైటభులను
సెల నెత్తురు వడిచినయట్ల
ఖలులఁ బిడిచి రక్తము వడిఁగ్రోలక
విలయాంతకుఁడట విడిచీనా
చ. 2:
కారించి కనక కసిపుని నఖములఁ
జీరి కడుపు చించిన యతఁడు
ఈరసపసురల యెముకలు విరువక
వీరసింహుఁడట విడిచీనా
చ. 3:
చెనకి దశముఖుని చేతులుఁ దలలును
చినికండలు గోసిన యతఁడు
ఘనుఁడట తిరువేంకటపతి దుష్టులు
తనువులఁ జెండక తడసీనా
