ఈ పుట అచ్చుదిద్దబడ్డది
రేకు: 9047-03 కాంబోది సం: 04-561 జోల
పల్లవి:
వాగె బలువు దైవపురాయా - నీ
రాగె జతనము పరాకెచ్చరికె
చ. 1:
మించులఁ దురగము మిన్నులు మోపగ
నంచలఁ గురుచల నాడఁగను
కంచు మించుగా గక్కనఁ దోలితి
పంచాస్త్రగురుఁడ పాదెచ్చరికె
చ. 2:
పెక్కువతేజిటు పేరెమువారఁగ
తొక్కనిచోట్లు దొక్కఁగను
చుక్కలు మోపఁగ సొంపుగఁ దోలితి
తొక్కుల దేవరదేవెచ్చరికె
చ. 3:
అంకవన్నె పాదాబ్జము పదిలము
వేంకటేశ తిరువీధులను
సంకెలేక శ్రీసతితోఁ జెలఁగెడి
అంకెల జాఁగు భళా యెచ్చరికె
