ఈ పుట అచ్చుదిద్దబడ్డది
రేకు: 9౦46-01 ఆహిరి సం: 04-558 వైరాగ్య చింత
పల్లవి:
చాలదా నా సంసారము
గాలియుయ్యెలలఁ దొలఁగక యూఁగవలసె
చ. 1:
పాపపుణ్యములనెడి బల్లిదుల వెంటనే
దీపించు బంటనై తిరిగి తిరిగి
పైపైనె దేహంపుఁ బల్లెలొసఁగిన నరక
కూపముల మడి దున్నుకొని బ్రదుకవలసె
చ. 2:
చిత్తమను విభుఁజేరి చెలఁగి విషయంబులకు
కొత్తగమికాడనై కొలిచి కొలిచి
హత్తుకొని మోహంబులను ప్రధానుల యెదుట
గత్తంపు మొగసాలఁ గలదించవలసె
చ. 3:
గాటంపు దురితములకై జీతగాఁడనై
చేటైన కోరికలఁ జేరిచేరి
ఈటాడఁ దిరు వేంకటేశుఁ గనకిన్నాళ్ళు
కోటకొమ్మలకెగసి గుంపించవలసె
