ఈ పుట అచ్చుదిద్దబడ్డది
రేకు: 9042-01 ఆహిరి సం: 04-557 అధ్యాత్మ
పల్లవి:
ఇట్టి సంసారికేదియు లేదాఁయ
తట్టువడుటేకాని దరిచేరలేదు
చ. 1:
ములిగి భారపుమోపు మోఁచేటివాఁడు
అలసి దించుకొను నాడాడను
అలరు సంసారికి నదియు లేదాయ
తొలఁగని భారమెందును దించలేదు
చ. 2:
తడవి వేఁపచేఁదు త్రావెడివాఁడు
ఎడయెడఁ దినుఁ దీపేమైనను
అడరు సంసారికి నదియు లేదాయ
కడుఁ జేఁదెకాని యెక్కడఁ దీపులేదు
చ. 3:
దొరకొని హేయమే తోఁడేటివాఁడు
పరిఠవించును మేనఁ బరిమళము
అరిది సంసారికి నదియు లేదాయ
ఇరవు వేంకటపతి నెఱుఁగలేఁడు