ఈ పుట అచ్చుదిద్దబడ్డది
రేకు: 9030-02 భూపాలం సం: 04-552 మేలుకొలుపులు
పల్లవి:
మేలుకొనవే
భూలలనాధిప భోగిశయన
చ. 1:
లేదు వేదవిధి లేశమును
మేదిని భరమై మించినది
పాదుపడదు చూపరకు భువి
గాదిలి సుతుపై గనలె జనకుఁడు
చ. 2:
కనకము చవి చెడెఁ గడుఁగడును
ఘననృపబాధలు గదిమినవి
దనుజుల కతివలు దలఁకెదరు
ఎనయ బలాధికులెవ్వరు లేరు
చ. 3:
అసుర సతుల పుణ్యము ఘనము
కస మసఁగెడి కలికాలమహిమ
పసగల వేంకటపతి యిఁకను
వసుధలోని నెవ్వగలుడుపఁగను
