ఈ పుట అచ్చుదిద్దబడ్డది
రేకు: 9029-02 సామంతం సం: 04-548 వైరాగ్య చింత
పల్లవి:
కొంచపడితినొక కొన్నాళ్ళు
ఇంచుకించుకిపుడెరిఁగితి నేను
చ. 1:
ముట్టుపాఁతవలె మురిగిన దేహము
గుట్టున దాఁచితి గొన్నాళ్ళు
ఇట్టే సుఖమని యిన్నిటి యోనుల
ఒట్టుక కాఁపురముండితి నేను
చ. 2:
మురికి కడువలే ముంచిన హేయము
కురిసితి నేనొక కొన్నాళ్ళు
తెరపి లేక యీ దేహమురోఁతల
మొరఁగి దాఁచితిని మూలల నేను
చ. 3:
విప్పుచు ముడుచుచు వెంట్రుకతుట్టెల
కొప్పులె పెట్టితి గొన్నాళ్ళు
అప్ప వేంకటనగాధిప మీకృప
యిప్పుడు వెలసితి నిదివో నేఁడు
