ఈ పుట అచ్చుదిద్దబడ్డది
రేకు: 9028-01 భూపాళం సం: 04-544 వైరాగ్య చింత
పల్లవి:
ఏమో తెలిసెఁ గాని యీ జీవుఁడు
నేమపు నెరవిద్య నేరఁడాయ
చ. 1:
కపటాలే నేరిచెఁ గాని జీవుఁడు
ఎపుడైన నిజ సుఖం బెరఁగఁడాయ
కపురులే చవిగొనె గాని జీవుఁడు
అపరిమితామృత మానఁడాయ
చ. 2:
కడలేక తిరిగీఁ గాని జీవుఁడీ
నడుమ మొదలు చూచి నడవఁడాయ
కడుపుకూటికిఁ బోయీఁ గాని జీవుఁడీ
చెడని జీతముపొంతఁ జేరఁడాయ
చ. 3:
కనియుఁ గానక పోయె గాని జీవుఁడు
దినము వేంకటపతిఁ దెలియఁడాయ
కనుమాయలకె చొక్కెఁ గాని జీవుడు
తనియ నిట్టేమంచి దరిఁ జేరడాయ
