ఈ పుట అచ్చుదిద్దబడ్డది
రేకు: 9౦22-04 ముఖారి సం; 04-543 వేంకటగానం
పల్లవి:
ఎన్నటి కెవ్వరికితఁడే
అన్నిటానున్న అధికుఁడు
చ. 1:
ఆతుమ కంతర్యామీ స్వామీ
యేతరినైనా నితఁడే
పాతక శూరుఁడు పారశరీరుడు
పూతన ప్రాణ ఘాతకుఁడు
చ. 2:
అక్కర దీరచ నందాఁ జెందా
యెక్కడనైనా నితఁడే
పుక్కిటి లోకాలు పొందుగా నించి మా
దిక్కైనా పరదేవుఁడు
చ. 3:
నేరమి నేరుపు నించాఁ బెంచా
నేరీతినైనా నితఁడే
కారుణ్యనిధి వేంకట విభుఁడు మా
చేరువై యున్న చెలువుఁడు