ఈ పుట అచ్చుదిద్దబడ్డది
రేకు: 9016-02 ఆహిరి సం: 04-535 వైరాగ్య చింత
పల్లవి:
మాయల కగపడి మతిగెడి ప్రాణులు
రోయఁ దలఁచియును రోయఁగలేరు
చ. 1:
మిస మిస మెరువఁగ మెల్లన చేరిరి
ముసిఁడిమాని ఫలములు చూచి
రసమని సంసారపు బాలికులిదె
విసిరి చేఁదుగని విరుగఁగలేరు
చ. 2:
బలు విష మొలికెడి పాముఁ బట్టుకొని
అలరుచు నలుగడ నాడేరు
పొలసి యాసలూర్పులు నిగుడించఁగ
తెలిసియు నింకాఁ దెలియఁగలేరు
చ. 3:
తేనెదెచ్చి కత్తికి దారఁ బెట్టి (న)
నానా విధముల నాఁకేరు
దీన తలణఁపెడి తిరు వేంకటపతి
చేని పంటలకుఁ జెయి చాఁచలేదు
