ఈ పుట అచ్చుదిద్దబడ్డది
రేకు: 9016-01 రామక్రియ సం: 04-534 అధ్యాత్మ
పల్లవి:
అందరి వసమా హరి నెరుఁగ
కందువగ నొకఁడుగాని యెరఁగఁడు
చ. 1:
లలితపు పది గోట్ల నొకఁడుగాని
కలుగఁడు శ్రీ హరిఁ గని మనఁగ
ఒలిసి తెలియు పుఖ్యుల కోట్లలో
ఇలనొకఁడుగాని యెరఁగడు హరిని
చ. 2:
శ్రుతి చదివిన భూసుర కోట్లలో
గతియును హరినె యొకానొకఁడు
అతి ఘనులట్టి మహాత్మ కోటిలో
తతి నొకఁడుగాని తలఁచఁడు హరిని
చ. 3:
తుది కెక్కిన నిత్యుల కోట్లలో
పొదుగు నొకడు తలపున హరిని
గుదిగొను హరి భక్తుల కోట్లలో
వెదకు నొకఁడు శ్రీ వేంకటపతిని
