ఈ పుట అచ్చుదిద్దబడ్డది
రేకు: 0389-02 రామక్రియ సం: 04-515 రామ
పల్లవి:
రాముఁడు లోకాభిరాముఁడు వీఁడిగో
వేమారు మొక్కుచు సేవించరో జనులు
చ. 1:
చెలువపు రూపమున జితకాముఁడు
మలసీ బిరుదున సమర భీముఁడు
పొలుపైన సాకేతపుర ధాముఁడు
యిలలోఁ బ్రజలకెల్లా హిమధాముఁడు
చ. 2:
ఘనకాంతుల నీల మేఘ శ్యాముఁడు
అనిశము నుతుల సహస్ర నాముఁడు
కనుపట్టు కపి నాయక స్తోముఁడు
తనునెంచితే దేవతా సౌర్వభౌముఁడు
చ. 3:
సిరుల మించిన తులసీ దాముఁడు
కరుణానిధియైన భక్త ప్రేముఁడు
వురుతర మహిమల నుద్దాముఁడు
గరిమల శ్రీ వేంకటగిరి గ్రాముఁడు