ఈ పుట అచ్చుదిద్దబడ్డది
రేకు: 0౩89-01 మాళవిగౌళ సం: 04-514 రామ
పల్లవి:
అదె లంక సాధించె నవని భారము దించె
విదితమై ప్రతాపము వెలయించె నితఁడు
చ. 1:
రవి వంశ తిలకుఁడు రాముఁ డితఁడు
భువిఁ బుట్టె దశరథ పుత్రుఁ డితఁడు
భవుఁడెంచెఁ దారక బ్రహ్మ మీతఁడు
పవనజు కిచ్చినాఁడు బ్రహ్మపట్ట మీతఁడు
చ. 2:
బలువుఁడు సీతాపతి యితఁడు
తలకొన్న వాలి మర్దనుఁ డితఁడు
విలసిల్లె నేకాంగ వీరుఁ డితఁడు
చలమరి కోదండ దీక్షా గురుఁ డితఁడు
చ. 3:
శరణాగత వజ్రపంజరుఁ డితఁడు
సరిలేని యసుర భంజకుఁ డితఁడు
వరదుఁడు శ్రీ వేంకటేశ్వరుఁ డితఁడు
అరయ విజయనగరాధీశుఁ డీతఁడు
