ఈ పుట అచ్చుదిద్దబడ్డది
రేకు: 0386-05 పాడి సం: 04-502 రామ
పల్లవి:
ఎంత ప్రతాపము వాఁడు యెంతటి నేరుపరి
యెంతని పొగడవచ్చు నీ రాముని
చ. 1:
వాలి నొక్క కోలనేసి వారిధి గట్టిన వాఁడు
తాలిమితో సుగ్రీవుని లాలించినాఁడు
పాలించి విభీషణునిఁ బట్టము గట్టిన వాఁడు
యేలుమని లంక కెల్లా నీ రాముఁడు
చ. 2:
కుచ్చి పర మొండెముగా కుంభ కర్ణుఁ గొట్టినాఁడు
హెచ్చి రాకాసులఁ జంపె నీ రాముఁడు
తచ్చి రావణాసురుని తలలు చెండాడినాఁడు
ఇచ్చ కొలఁదుల నిట్టె యీ రాముఁడు
చ. 3:
సీత తో విమాన మెక్కి చేరి యయోధ్యకు వచ్చి
యీతలఁ బట్ట మేలినాఁ డీ రాముఁడు
శ్రీ తరుణితోఁగూడి శ్రీ వేంకటేశుఁడైనాఁడు
యీతఁడే దరసించరో యీరాముఁడు
