ఈ పుట అచ్చుదిద్దబడ్డది
రేకు: 0381-05 సామంతం సం: 04-474 శరణాగతి
పల్లవి:
ఎందలివారమో నేము యెఱఁగ వసముగాదు
సందడి విష్ణునకే శరణు చొచ్చెదము
చ. 1:
తెర దీసినట్టుండు తెలిసితే జ్ఞానము
మరుగక మఱచితే మరఁగై తోఁచు
వురియై తగులుఁ గర్మ మూడిచితే నూడును
యిరవైన హరి మాయలెల ఇంపు చున్నవి
చ. 2:
కడుఁ బుణ్య వశమై కాచుకుండు స్వర్గము
నడుమఁ బాపమూలము నరకము
తడవితే నంటును దాఁటేదే నేరుపు
యెడయ కచ్యుతు మాయలెల ఇంపు చున్నవి
చ. 3:
పట్టితేఁ దన మనసు పరమాత్మఁ గనిపించు
చుట్టుకొంటే బంధమై సూడు సాధించు
ఒట్టి శ్రీ వేంకటేశ్వరుఁ డోపి మమ్మునేలెఁ గాని
ఇట్టె యా దేవుని మాయలెల ఇంచును
