ఈ పుట అచ్చుదిద్దబడ్డది
రేకు: 0381-04 గుజ్జరి సం: 04-473 మాయ
పల్లవి:
హేయ మేమీలేదు జగమింతా రుచికరమే
మాయావికార మిది మనసెట్టి రోసును
చ. 1:
కాయధారణము లింపు కాంతలభోగము లింపు
ఆయతమై వారివారి యాహారా లింపు
సోయగపుఁ గన్నులను చూచేటి వేఁడుక లింపు
చాయ మనసొడఁబడి సమ్మతించితేను
చ. 2:
పలుకులెల్లా నింపు భావములెల్లా నింపు
చెలరేఁగి తమ తమ చేఁత లింపు
జలమల సంగతుల సహజము లవి యింపు
వొలిసి తమ మనసొడఁబడి తేను
చ. 3:
తగిన జన్మము లింపు తమ చక్కఁదనా లింపు
జగతి వారికి వారి జాతు లింపు
నిగిడి శ్రీ వేంకటేశ నీ మహిమలే యివి
వొగరు లేక మనసొడఁబడి వుంటేను
