ఈ పుట అచ్చుదిద్దబడ్డది
రేకు: 0381-06 ధన్నాసి సం: 04-475 వేంకటగానం
పల్లవి:
పరమ వివేకులాల బంధువులాల
తెరదీసి మాకు నిది తెలుపరో
చ. 1:
యేడు జానల మేనిలో నిందిరా నాథుఁ డున్నాఁడు
వేడుకతో నతనిని వెదకరో
పూడిచి వున్నది మతిఁ బొందుగ వైకుంఠము
చూడరో ధ్యానము సేసి సోదించరో
చ. 2:
కొడిదెఁడు బయలిలో గోవిందుని నెలవఁట
చిడిముడి తో నిట్టే చేరి పట్టరో
అడఁచి దాఁచివున్నది అందే బ్రహ్మానందము
విడువరో యీ ముడియ వెలయఁ జేపట్టరో
చ. 3:
వూని నల్లెఁడు నాలికలో నుండు శ్రీ వేంకటేశుఁ -
డానుకొని బత్తి తోడ నటు నిల్పరో
నానఁబెట్టివున్నది నామ కీర్తనములందు
తానకముగా నేపొద్దూఁ దలఁచుకోరో
