ఈ పుట అచ్చుదిద్దబడ్డది
రేకు: 0361-03 సామంతం సం: 04-359 వేంకటగానం
పల్లవి:
ఎల్లలోకములవారి కేలిక దానే
కొల్లగా వరములిచ్చే గురుతైన దైవము
చ. 1:
కొండల కోనల లోన కోనేటి సరిదండ
మెండైన బంగారు మేడలలోన
నిండు జవ్వనము తోడి నెలఁత కౌఁగిటలోన
వుండి జగమెల్ల నేలీ నుద్దండ దైవము
చ. 2:
నాలుగు చేతుల తోడ నవ్వుల మోముతోడ
సోలి సంకుఁజక్రముల సొంపుతోడ
నేలమిన్నునొకటై నిలుచున్న రూపుతోడ
పాలుపడి మెరసీని ప్రత్యక్ష దైవము
చ. 3:
సంపదలు కడుమించి చవులతో నారగించి
జొంపపు విరుల పూజ సొంపుమించి
యింపుల శ్రీవేంకటాద్రి నిరవై వున్నాఁడు వీఁడె
పంపుడు దేవతలతోఁ బ్రతిలేని దైవము