ఈ పుట అచ్చుదిద్దబడ్డది
రేకు: 0౩60-01 లలిత సం: 04-351 వైరాగ్య చింత
పల్లవి:
దైవమే నేరుచుఁగాక తగిలించ విడిపించ
యీవల సంసారికి నేమిసేయ వచ్చును
చ. 1:
ఆస యెచ్చోట నుండు నక్కడ దైన్యము నుండు
వాసులన్నీ నెందు నుండు వన్నెలు నందుండు
వేసట యెక్కడ నుండు వీతరాగ మాడనుండు
యీసుల నీలంకెవాప నెవ్వరికిఁ దరము
చ. 2:
అతికోప మేడనుండు నజ్ఞాన మాడనుండు
మతిఁ బంత మెందుండు మత్సర మందుండు
మతకము లేడనుండు మాయలును నందు నుండు
యితరు లెవ్వరు నిందు కేమనఁగలరు
చ. 3:
తనభక్తి యెందుండు తపమును నందుండు
మనసెందు నుండు దీమసమును నందుండు
తనివి యొక్కడ నుండు తగు సుఖ మందుండు
తనర శ్రీ వేంకటేశు దైవికము లివియే