ఈ పుట అచ్చుదిద్దబడ్డది
రేకు: 0358-03 రామక్రియ సం: 04-341 మాయ
పల్లవి:
మాయలో మోహమున మరచితివిదే హరి
వేయింటికి వింటే వివేకమా
చ. 1:
అంతటికినొడయఁడు అఖిలజీవులలోన
అంతర్యామి శ్రీహరియట
యింతటిలో నీకు హితబంధువులు వేరి
వింతవారెవ్వరు నీకు వివేకమా
చ. 2:
అరయ నక్షరవాచి యతఁడట యిలలోనఁ
బరమమంత్రాలెపో పలుకులెల్ల
నిరతపునుతి యేది నిందయేది యిందులోన
వెరవెరఁగవుగాక వివేకమా
చ. 3:
మొదలను నడుమను ముగిసినర్థములందు
యెదుటను శ్రీవేంకటేశుఁడట
యిది యది యననేల యిచ్ఛాద్వేషమేల
వెదకుము సమబుద్ధి వివేకమా