ఈ పుట అచ్చుదిద్దబడ్డది
రేకు: 0357-04 రామక్రియ సం: 04-336 దశావతారములు
పల్లవి:
నమ్మితే నితఁడే మన్ననఁ గాచు
యిమ్ముల ధ్రువుని బట్టమేలించినట్లు
చ. 1:
తీరని కర్మములైన దీరుఁబో శ్రీహరిపాద -
మేరీతిఁ గొలిచినా నెవ్వరికిని
చేరరాని యడవిలో శిలలై పడియున్న
భారపుటహల్యశాపము దేరినట్లు
చ. 2:
కలుగనిసిరులెల్లఁ గలుగుఁబో శ్రీహరి
గొలిచినవారికిఁ గోరినట్లే
అలనాఁడు దరిద్రుఁడైన కుచేలుని
బలుసంపదలఁ దెచ్చి బతికించినట్లు
చ. 3:
చూడఁగా మూఢులకైన సులభుఁడై నిలుచుఁబో
వేడుకతోఁ బాడితే శ్రీవేంకటేశుఁడు
యాగనే మాబోంట్లకు నిరవై కోనేటిదండ
మేడెపువరములెల్ల మెచ్చి యిచ్చినట్లు
