ఈ పుట అచ్చుదిద్దబడ్డది
రేకు: 0354-04 గుండక్రియ సం: 04-318 అధ్యాత్మ
పల్లవి:
“నిశ్చింతం పరమం సుఖ"మనుమాటేనిజమునిజముతెలియరుగాని
ఆశ్చర్యంబిది పరమయోగులకు ననుభవులకు దృష్టాంతము సుండీ
చ. 1:
కరచరణాదులుగలచైతన్యము గక్కునఁ బానుపుపైనుండి
సరుగన సడిలిన నిద్రామందము సమకూడీ నరులకటువలెనే
పరమాత్మునిపై సకలోద్యోగ వుపాయంబులు దా దిగవిడిచి
ధరఁ దానుండిన బ్రహ్మానందము తనుఁదానే పైకొనుఁజుండీ
చ. 2:
వున్నతిఁ దానొక దేశములోపలనుండి క్రితముచూచిన నవియెల్లా
అన్ని దేశములు నటుదలపోసిన యంతకుగోచరమైనట్లు
యెన్నగఁబూర్వజ్ఞానంబున సర్వేశ్వరుఁడగు హరిఁదలఁచినను
సన్నిధియగు సుజ్ఞానానందము సత్యము సత్యంబది సుండీ
చ. 3:
ననిచిన ప్రపంచకత్పములలో నానావిధముల జంతువులు
తనుఁదాఁజూడగరానిరూపు లద్దములోపలఁ గన్నట్లు
ఘనుడగు శ్రీవేంకటపతిరూపము గక్కన నెదుటనె సేవించి
అనయము తనుఁదా సంతసించుటే యాత్మానందంబిది సుండీ