ఈ పుట అచ్చుదిద్దబడ్డది
రేకు: 0354-05 సాళంగనాట సం: 04-319 శరణాగతి
పల్లవి:
ఒసఁగితివిన్నియు నొకమాఁటే
వెస నిఁకఁ జేసే విన్నపమేది
చ. 1:
నారాయణ నీనామము దలఁచిన -
నీరానివరములిచ్చితివి
చేరి నిన్ను నిటు సేవించిననిఁకఁ
గోరి పడయ నిఁకఁ గోరికలేవి
చ. 2:
హరి నీకొకమరి యటు శరణంటే
గరిమల నన్నిటు గాచితివి
నిరతముగా నిఁక నిను నుతియింపుచు
అరగొరతనివి నిను నడిగేదేదో
చ. 3:
శ్రీవేంకటేశ్వర చేయెత్తిమొక్కిన
భావమే నీవై పరగితివి
యీవరుసల నీవింతటిదాతవు
ఆవలనినుఁ గొనియాడెడిదేమి
