ఈ పుట అచ్చుదిద్దబడ్డది
రేకు: 0354-03 లలిత సం: 04-317 మనసా
పల్లవి:
నటనల భ్రమయకు నామనసా
ఘటియించుహరియే కలవాఁడు
చ. 1:
ముంచిన జగమిది మోహినీగజము
పొంచినయాస పుట్టించే దిది
వంచనల నిజమువలెనే వుండును
మంచులు మాయలే మారునాఁడు
చ. 2:
సరిసంసారము సంతలకూటమి
సొరిదిఁ బచారము చూపే దిది
గరిమ నెప్పుడుఁ గలకలమనుచుండును
మరులగువిధమే మాపటికి
చ. 3:
కందువదేహము గాని ముదియదిది
అందినబహురూప మాడేదిది
యెందును శ్రీవేంకటేశ్వరుఁడుండును
డిందుపడఁగనిదె తెరమరఁగు