రేకు: 0343-02 దేవగాంధారి సం: 04-251 విష్ణు కీర్తనం
| పల్లవి : |
పట్టిన ముట్టనుండరు పదరుదు రంతలోనే
యెట్టనెదుటీమిమ్ము నెరిఁగీ నెరఁగరు
|
|
| చ. 1: |
గుక్కక మూఁడులోకాలు గొలిచితివని నీకు
మొక్కుదురు; పరులకు మొక్కకుండరు
అక్కరదీర శ్రీపతివని నిన్ను వేఁడుదురు
వెక్కసపుఁ దైవాల వేఁడుకోక మానరు
|
|
| చ. 2: |
కందువ బ్రహ్మగన్నట్టి ఘనుఁడవు నీవార-
మందురు; పరులవారమనకుండరు
అంది వేదాలు దెచ్చేయాతఁడవు నీవే యని
యెందు నెంచి, పరులను యెంచకుండరు
|
|
| చ. 3: |
యిత్తల నారదాదుల కేలికని నీమరఁగు
చొత్తురు; పరులమాఁటు చొర కుండరు
అత్తిన శ్రీవేంకటేశ యన్నియు నీమాయలింతే
యెత్తిన వెఱ్ఱులు లోకులిట్టే భ్రమతురు
|
|
