పుట:తాళ్ళపాక పదసాహిత్యం - నాలుగవ భాగం.pdf/253

రేకు: 0343-03 లలిత సం: 04-252 శరణాగతి

పల్లవి :⁠

ఇంక నేమిసేసేము యిన్నిటాఁ దనిసితిమి సంకెలెల్లాఁ దీరెఁ దీరె చాలుఁజాలుఁ గర్మము

⁠

చ. 1:⁠

కోరి పుణ్యము లేమైనాఁ గొన్ని సేసేమంటిమా కోరిక లిచ్చేటి హరి కూడి మాలోనున్నాఁడు చేరఁ జోటువెదకి పొంచి తిరిగేమంటిమా చేరేటివైకుంఠపతి చేతిలో నున్నాఁడు

⁠

చ. 2:⁠

భవహరముగ వేదపఠన సేసేమంటే భవహరమగుహరిపాటలు నోట నున్నవి తవిలి సంపదలకై దానమిచ్చేమంటిమా భువిలోన శ్రీపతి మాపూజలో నున్నాఁడు

⁠

చ. 3:⁠

యిహసుఖములకుఁగా యిందరి వేఁడేమంటే యిహమిచ్చే శ్రీ వేంకటేశుఁ డెదుట సున్నాఁడు సహజమయినయట్టి సర్వేశఁ డీతడే మహిమలన్నియుఁ దానె మాకు నిచ్చినాఁడు

⁠