రేకు: 0326-02 లలిత సం: 04-149 విష్ణు కీర్తనం
| పల్లవి : |
విష్ణుదేవు పాదములే విద్యాబుద్దీ మాకు
వైష్ణవులమైతి మింక వదలవో కర్మమా
|
|
| చ. 1: |
గోవిందుని పాదములే కోరి యిహపరములు
శ్రీవిభుని పాదములే చేరు వేదశాస్త్రములు
దేవదేవు పాదములే దిక్కును దెసయు మాకు
భావములో నిలిపితిఁ బాయరో పాపములు
|
|
| చ. 2: |
హరి పాదములే మాకు నన్నపాన భోగములు
పరమాత్ము పాదములే పాఁడీ బంటా మాకు
మురహరు పాదములే ముందరవెనకా మాకు
శరణంటి మెందైనాఁ జనరో దుఃఖములు
|
|
| చ. 3: |
అనంతుని పాదములే ఆయుష్య భాష్యములు
దనుజారి పాదములే ధనధాన్య ధర్మములు
యెనలేని శ్రీవేంకటేశుడితని పాదాలే
మనసున గొలిచితి మానరో భవములు
|
|
