పుట:తాళ్ళపాక పదసాహిత్యం - నాలుగవ భాగం.pdf/127

రేకు: 0322-03 లలిత సం: 04-126 శరణాగతి

పల్లవి :⁠

కావఁగ నీకే పోదు కరుణానిధివిగాన దేవ నీ బంట్లము మా తెరువేఁటి తెరువు

⁠

చ. 1:⁠

బండుబండై వూరఁగల పనులెల్లాఁ జేసేము యెండాతా నీడౌతా నెఱఁగము కొండలరాయఁడ మమ్ముఁ గోరి పుట్టించఁగా నీవు బెండువంటి వారము మా బిగు వేఁటిబిగువు

⁠

చ. 2:⁠

దీనుఁడనై యాసలనే దిక్కులెల్లాఁ దిరిగేము కాని దెందో మంచి దెందో కానము శ్రీనాథ నీవు మాకు జీవమయి వుండఁగాను మానువంటి వారము మా మనసేటి మనసు

⁠

చ. 3:⁠

బొందితోడఁ బుట్టితిమి భోగించేమేమైనా యెందుకాతా నేడకౌతా నెఱఁగము యిందును శ్రీవేంకటేశ యిహముఁ బరము నీవే చెంది నీ దాసులము మా చేత్ర యేఁటిచేఁత

⁠