ఈ పుట అచ్చుదిద్దబడ్డది
రేకు: 0267-1 సామంతం సం: 09-097
పల్లవి:
తొల్లిసేసినంతె చాలు తోడఁ జేతనం బెట్లు
చిల్లరచేఁతలు యిఁక జేయఁగ వద్దనవే
చ. 1:
గొల్లెత లుసురు పిల్లఁగోవిమోతలై యంటె
వొల్లనె నన్నిఁక నేఁప నొద్దనవే
మెల్లనె వారితొ బొంకిమే నెల్ల నల్ల నాయ
కల్లలు నాతో నాడఁ గమ్మటి వద్దనవే
చ. 2:
నెలఁతల కనుదిష్టి నెమలిచుంగులై యంటె
వలఁబెట్టి చలపట్ట వద్దనవే
అల మదరాగము పీతాంబరమై మొల నంటె
యెలయించి ననుఁ బాయ నింకా వద్దనవే
చ. 3:
చేరినవారి పొందులు శ్రీసతియై వుర మంటె
వోరసేయ నాతో నొద్దనవే
యీరీతి శ్రీవెంకటేశుఁ డిట్టె తా నన్నుఁ గూడి
గారవించె నిఁక నెందూఁ గదల వద్దనవే
