ఈ పుట అచ్చుదిద్దబడ్డది
రేకు: 0265-2 భైరవి సం: 09-086
పల్లవి:
ఆడనుండె యేమి గల్లా నానతియ్యరా
జాడతో నలుక గాదు చాలించరా
చ. 1:
చిగురాకు నామోవి చిత్తజు నడిద మట
తెగుఁజేసు నీ వంత దిష్టించకురా
పగటు నాకుచములు పాయని జక్కవ లట
యెగరుఁజేసు నీ వింత దగ్గరకురా
చ. 2:
నల్లని నాయారు యిది నంజువంటి పామట
చెల్లఁబో యేమౌనో మమ్ముఁ జేరకురా
వెల్లవిరి నా నడుము వింత మేఁటి సింహ మట
కల్లరి యేమి సేసునో కాఁగిలించకురా
చ. 3:
గరిమల నామేను కనకమువంటి దింతే
కరఁగజేసు నిట్టూర్పు గమ్మనీకురా
సిరుల శ్రీ వెంకటిశ చేరి కూడితి వింక
తరగు మొరఁగు దీరె దవ్వె చేరువరా