ఈ పుట అచ్చుదిద్దబడ్డది
రేకు: 0264-4 బౌళి సం: 09-082
పల్లవి:
సరికి బేసి కవె పగ సాధించుఁ గాని
పరగ నందుకు నవె పతిమాఁటు చూపు
చ. 1:
వెన్నెలలె యెండ లట విరులె వాఁడెట
యెన్నఁగ నిందుకుఁగా నేల వెరవ
అన్నువ వెన్నెలరేని కారను రాహువుఁ జూ పు
విన్ననై విరులకును విరహాగ్నిఁ జూపు
చ. 2:
చిగురులే చేగ లట చిత్తజుఁడే పగ లట
యెగసక్కెముల నిందు కేల వెరవ
గుగురుఁ జిగురునకు కుత్తికె కోవిలఁ జూపు
షొగరుఁజంద్రపుమోము పున్నమమారుకుఁ జూపు
చ. 3:
గాలియె వేఁడట జక్కవ లుద్దీపన మట
యేల వెరవ శ్రీవెంకటేశుఁడు గూడె
గాలికిఁ జనుఁగొండలు కమ్మర నడ్డము చూపు
నాలి జక్కవలకు నీ నవ్వువెన్నెల చూపు