ఈ పుట అచ్చుదిద్దబడ్డది
రేకు: 0264-3 రామక్రియ సం: 09-081
పల్లవి:
ఔనె మాటకు మాట ఆడితివి వోరి
కాని యింకా నేమి గలిగినాఁ జెప్పరా
చ. 1:
కోరి నీ మోవి మెత్తన కుచముల కఠినాలు
చేరి నీతో పొందెట్టు సేయవచ్చునే
వోరి నీగుణము రాయి వొట్టిమాట చిగు రని
ఆరీతి నిందరికిఁ జూప ననువుగావలసిరా
చ. 2:
కుత్తికె మరుశంఖము కురులు వంకగాలాలు
కొత్తనీకు నాకుఁ బొందు గూడు నటవే
వొత్తి నీ చదువు వేదా లొడ్డినవి గాలాలు
జొత్తుగా నింతటఁ జెప్పి చూపఁగ వలసిరా
చ. 3:
కడు నీ నవ్వు చల్లన కనుచూపు చురుకులు
కొడిమె నీవు నన్నెట్టు గూడితివే
వడి శ్రీవెంకటేశుఁడ వలపులరతి నీకు
నుడిసి చలి వేఁడని చూపె నింతేరా
