ఈ పుట అచ్చుదిద్దబడ్డది
రేకు: 0264-2 సామంతం సం: 09-080
పల్లవి:
అతనిదెస చూచి నిన్నపుడు దూరితి మమ్మ
వెతదీర నిఁకనైన విచ్చేయ వమ్మా
చ. 1:
వుదయచందురుఁ జూచి వువిద నీ మో మనుచు
అదనరావైతివని యలిగి యవ్వలిమో మాయ విభుఁడు
యెదిటి మేఘముఁ జూచి యిదియె నీతురు మనుచు
కొదలుచును తల వంచి కొసరె నిన్ను
చ. 2:
చిలుకపలుకులు నీదుపలుకులని యిందాఁక
యెలయించి తనిగొణఁగియెడసి వీనులు మూసుకొనియుండెను
తళుకునను మెరువ నంతట నీదుచూపులని
తెలియనిభ్రమల దోమతెరలోని కేఁగె
చ. 3:
కోవిలలరొదలు విని కొమ్మ నీ యెలుఁ గనుచు
భావజుచేఁ బరచితని పదరి నినువేవేలు మాటలాడె
యీవేళ విచ్చేసి యిటు నీవు గలయఁగా
శ్రీవెంకటేశ్వరుఁడు చిక్కెరఁగఁ డాయ
