ఈ పుట అచ్చుదిద్దబడ్డది
రేకు: 0263-4 ముఖారి సం: 09-076
పల్లవి:
ఏమే యిందు కెగ్గు లెంచఁ దగునా
కాముఁడు సేసినయట్టి కత లింతె కాక
చ. 1:
నేనా తనతో నెమ్మిఁ గొసరేదాన తన్నుఁ
గానక యెదురుచూచె కన్నులు గాకా
కానీ కానిమ్మని కడుఁ బగ చాటితినా
వూని జంకించినవె బొమ్మలింతె కాకా
చ. 2:
అలిగి తనతో నే నవ్వలిమో మౌదునా
చెలఁగి వంచినది నా సిరసె కాక
మలసి తనతోను మాటలాడ కుందునా
వెలసిన విరహపు పింతె కాక
చ. 3:
పట్టఁగా నేనా పైకొనకుండేదాన
గుట్టుతోడ నుండెటి నా గుణము గాక
యిట్టె శ్రీ వెంకటేశుఁ డిన్నిటాను నన్నుఁ గూడె
పట్టిన నా నోము ఫల మింతె కాకా
