ఈ పుట అచ్చుదిద్దబడ్డది
రేకు: 0263-1 రామక్రియ సం: 09-073
పల్లవి:
చెల్లెఁ జెల్లె నీవు సేసె చేఁత లెల్లాను నీ
పల్లదా లిన్నియు బండిబాటాయఁ దగవు
చ. 1:
కద్దు గద్దు నీ మాట కల్ల లేదు పొల్ల లేదు
వద్దు వద్దు నీతోడి వాదులు నాకు
ముద్దు ముద్దు సేసి నిన్ను మోవఁ బెంచె మీ తల్లి
పొద్దు వొద్దుఁ గోమటిండ్లపొరుగాయ బదుకు
చ. 2:
ఆయ నాయ నీ మాట లల్లములు బెల్లములు
మూయ మూయ నీకె మూరెఁడు నోరు
తోయఁ దోయఁ దల్లి వెన్నతోడఁ బెట్టె ముచ్చిములు
పోయఁ బోయ గొల్లదోమటాయఁ బో మా పెరుగు
చ. 3:
వింటి వింటి నిన్ననె నీవేసాల బాసలును
కంటిఁ గంటి నిఁక నేల కైకొంటివి
యింట నింట శ్రీ వెంకటేశ పంతమిచ్చి నన్ను
నంటి యంటి నిచ్చకొత్తలాయఁ బో నా మనువు
