ఈ పుట అచ్చుదిద్దబడ్డది
రేకు: 0262-6 శుద్దవసంతం సం: 09-072
పల్లవి:
చాలుఁజాలు నాతో జాణతనాలా
చాలుకొన్న నీచూపు జళిపించ నేలరా
చ. 1:
పలుకవె చెలియ పచ్చిగా నదె రోరి
పలుకు నీ కప్పురపు బరణి నదె
నిలువవె కొంతవడి నే వచ్చినందాఁక
నిలువు నీ నామమందె నిక్కమాయ నదెరా
చ. 2:
అడిగేనె యింతి అప్పటి ని న్నొక సుద్ది
అడుగులు నీయందునవె కదరా
ముడికారి సట లేలె ముదితా
ముడి నీ సిరసునఁ గొమ్ముడి యిదె కదరా
చ. 3:
కలసితిఁ గదె నిన్నుఁ గలికి నీవు
కలగంపపతి వౌతఁ గంటిరా నేను
అలరి ని న్నురమున నానితిఁ గదె నిన్ను
నల శ్రీ వెంకటగిరి యానెఁ గదరా
