ఈ పుట అచ్చుదిద్దబడ్డది
రేకు: 0262-5 సామంతం సం: 09-071
పల్లవి:
ఇచ్చక మాడ నెఱఁగ నేమి సేతునే
హెచ్చీఁ బెంజెమటలు యేమి సేతునే
చ. 1:
చక్కని పతిగుణాలు సారె నాతోఁ జెప్పఁగాను
యెక్కడో వినీ వీను లేమి సేతునే
పెక్కువ నాతఁడు నన్నుఁ బిలువ నంపె ననఁగా
యిక్కడ నా మోము నవ్వీ నిఁక నేమి సేతునే
చ. 2:
యిదె మేడపై నతఁడు యిటు నన్నుఁ జూచెనంటే
హృదయము చిల్లులయ్యీ నేమిసేతునే
వదల కాతఁడు నా వాకిటికి వచ్చె నంటే
యెదుటఁ గన్నీ ళ్లూరీ నిఁక నేమి సేతునే
చ. 3:
బలిమి నాతఁడు నాపైఁ జేయి వేయఁగాను
యెలమి నిట్టూర్పు రేఁగె నేమి సేతునే
కలసి శ్రీ వెంకటాద్రిఘనుఁడు నన్నుఁ గూడఁగ
యెలఁదీగెమనేను వొంగె నేమి సేతునే