ఈ పుట అచ్చుదిద్దబడ్డది
రేకు: 0261-5 ఆహిరి సం: 09-065
పల్లవి:
కదిసిన మిము మెచ్చఁ గలము గాకా
యెదిటి మీ యలుకలు యివి చూడఁ గలమా
చ. 1:
కన్నుఁ గొనలె వేరు కమ్ముఁ జూపు లొకటె
మిన్నక వుండె మీలో మీ రొకటె
చిన్నఁబోయి నీ వాడ చెక్కుచేతఁ జెలియీడ
వున్నభావ మిది చూచి వోరుచఁగఁ గలమా
చ. 2:
వీను లివియె వేరు వినుకలి యొకటె
ఆనకపు మీ మోహాలవి యొకటె
పానుపై నాకె వెలుపల మలగుపై నీవు
పూని వున్నమీకు నేము బుద్ది చెప్పఁగలమా
చ. 3:
కడఁగి చేతులె వేరు కాఁగిలిది యొకటె
యెడసి కూడిన మీరిద్ద రొకటె
అడరిన శ్రీ వెంకటాధిప మీ యిద్దరిలో
జడియుఁ బంతములకు సాక్షి చెప్పఁ గలమా
